Mapas de Arteixo

 A Unesco declarou en 2013 a Reserva da Biosfera Mariñas Coruñesas e Terras de Mandeo. Arteixo forma parte desta Reserva e ten como zona núcleo o ZEC Costa da Morte, a Senda Azul enmarcase nesta área.

Esta senda está catalogada como sendeiro azul pola Asociación de Educación Ambiental e do Consumidor (ADEAC), pola súa accesibilidade e respeto ao medio ambiente.

A Senda Azul  ten unha lonxitude de 6,4 km e conecta sete das nove praias arteixás:  Alba-Sabón, Repibelo, A Hucha, Valcoco , As Combouzas, Barrañán e  O Reiro. Son magníficos areais para gozar todo o ano.

O paseo é fácil e moi agradable ó lado do mar. Podemos contemplar o Monumento ao Voyeaur, coñecido como O Vixiador ou O Mirón.  Un dos miradoiros de Arteixo máis orixinais.

A Fraga Sisalde ten unha extensión aproximada de 25 Ha. Ten as características dunha fraga tÍpica atlántica, baseada na diversidade do arborado caducifolio galego,  combinado con especies perennes como o pino e o loureiro e as proboacións de mato deste tipo de bosques.

O río Sisalde e os seus afluentes están colonizados por árbores autóctonas que conforman o bosque de galería, tales como:  o ameneiro, o salgueiro, a abeleira, entre outros.

A beira do río proliferan os muíños hidráulicos tradicionais, antaño este río tiña unha explotación económica. A maioria están agora en desuso e con un claro deterioro polo paso do tempo.

Cada mes de setembro celébrase o Sisalde Festival Folk, unha romería tradicional con música, baile, artesanía, xogos populares,  gastronomía e moitas ganar de pásalo moi ben.

Pola súa proximidade a unha das zonas de hostelería máis importantes do municipio é un lugar moi aconsellable en calquera época do ano .

Na contorna do Paseo celébranse varios eventos durante todo o ano. Destacamos:

• Os sábados, pola maña,  temos un mercado onde podemos adquirir produtos locais de km 0.
• Festa das Flores no mes de maio. Numerosas actividades lúdicas para todas as edades: concurso de maios, alfombra floral na igrexa parroquial de Santiago, exposicións, música, baile, obradoiros e verbenas na noite.
• No terceiro fin de semana de outubro celébrase a Feira  Histórica 1900, unha viaxe ao pasado . As persoas acoden vestidas de época e poden disfrutar de exposicións fotográfica, obxetos antigos, carreiras de carrilanas, bailes, xogos, gastronomía, artesanía e moitas actividades relacionadas ca temática de ese ano:  língua, usos, costumes, oficios, atuendos, escola e un sinfín de temas cotiáns.

No mes de decembro, no Nadal, celébrase a Feira do Galo. Nesta feira compiten os mellores galos da comarca. Hai agasallos para os criadores dos fermosos galos.