Pequeno porto natural situado na parroquia de San Pedro de Sorrizo, no que dende antigo os pescadores deixaban as súas lanchas. Agora é utilizado polos pescadores afecionados, e mesmo polos bañistas para bañarse nas súas tranquilas augas que fan unha pequena praia de cantos rodados.

Nas súas inmediacións temos outros aínda mais pequenos portos naturais coma o da Bendición, o dos Cabalos ou o Seixelo.